Euskal Herriko Agintaritzaren Aldizkaria

21. zk., 2015eko otsailaren 2a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

EIBARKO LEHEN AUZIALDIKO ETA INSTRUKZIOKO 1 ZENBAKIKO EPAITEGIA

492

EDIKTUA, ezkontzaz kanpoko seme-alabentzako neurrietarako 118/2011 prozeduraren ondoriozkoa.

Eibarko Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesala.

Judizioa: ezkontzaz kanpoko seme-alabentzako neurriak (118/2011).

Demandatzailea: Judith Fabiola Flores Valverde.

Abokatua: Elena Laka Muñoz.

Prokuradorea: Maria Antonia De La Fuente Valdezate.

Demandatua: Benimar Keni Flores Aragon.

Gaia: Ezkontzaz kanpoko seme-alabentzako neurriak.

Judizio horretan, epaia eman da 2015-01-09an. Hona hemen epaitza:

EPAITZA

Partez baiesten dut De La Fuente prokuradoreak, Judith Fabiola Flores Valverde andrearen izenean eta ordez aurkeztutako demanda, Benimar-Keni Flores Aragón jaunaren aurkakoa, eta, horrenbestez, honako neurri hauek hartzea erabakitzen dut XXXXX adingabekoari dagokionez:

– Judith Fabiola Flores Valverde andreari esleitzen zaio XXXXX alaba adingabearen zaintza eta jagoletza. Guraso-ahala, berriz, aitak eta amak edukiko dute.

– Benimar-Keni Flores Aragón jaunak, hilero, hilaren lehenengo bost egunetan, ehun eta berrogeita hamar (150) euro ordaindu beharko ditu, bere alaba adingabearen mantenurako, amak hartarako izendatutako kontuan. Betebehar hori ebazpen hau ematen den egunetik aurrera beteko da; lehenengo hil honetan, heinean banatuko da dagokion zenbatekoa. Diru-zenbateko hori urtero eguneratuko da, Estatistika Institutu Nazionalak edo haren ordezko erakunde ofizialak ezarritako KPIren arabera. Lehenengo aldiz, 2016ko urtarrilean eguneratuko da. Betebeharrari erantzuten ez bazaio, beharrezko neurriak hartuko dira. Aparteko gastuak erdibana ordaindu beharko dituzte guraso biek.

Autoetan sortutako kostuak ordaintzeari dagokionez, ez da erabakirik hartzen.

Jakinaraz bekie ebazpen hau alderdiei, legeak agindu bezala; jakitera emanez ezen, epaiaren aurka, demandatuak apelazio-errekurtsoa aurkez dezakeela Probintzia Auzitegian. Epaitegi honetan aurkeztuko da errekurtsoa, bost eguneko epean, jakinarazpena egin eta biharamunetik aurrera.

Ebazpen honen lekukotza sar bedi autoetan, eta jatorrizkoa epaitegiko epaien liburuan.

Horrela, bada, epai honen bidez lehen auzialdian epaituz, erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen epaileak berak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Eibarren (Gipuzkoa), bi mila eta hamabosteko urtarrilaren bederatzian.

Benimar Keni Flores Aragon demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake auzi-ihesean den demandatuak.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Eibar (Gipuzkoa), 2015eko urtarrilaren 14a.

IDAZKARI JUDIZIALA.

Azterketa dokumentala